فئوية دي تبقي خالتك !

طبعا بعد 11 فبراير كل واحد فينا افتكر ان خلاص الدنيا هتتظبط
 و العندة بنت متجوزتش هتتجوز
و المش بيشتغل هيشتغل
و الحقة ضاع هيرعجعلة تاني
و المرتبات هتتضاعف
و علشان كدة كلنا نزلنا هيصنا في شوارع يوم تنحي و كاننا كسبنا كاس عالم
طب امال اية حصل ؟
اقولك انا : الحصل اننا شيلنا العائلة المالكة وبعض رجالها (عز و زكريا عزمي و سرور و الخ)  و سيبنا الفساد المتغلغل في العقل المصري و المصالح الحكومية و المصانع و الجامعات  و لما جينا نحاول نصلح قالك الاستقرار .
يعني مثلا الطالب الجامعي راح الجامعة لقي العميد بتاع الكلية معينة جمال مبارك فقام اعتصم , نقوم احنا نقولة انت مش عايز تتعلم و عايز تخرب و خلا ص
والا العامل البسيط  في المصنع لما يلاقي مرتب المدير مليون جنية شهريا و غير كدة مدير فاسد و هو بياخد 300جنية في شهر , هنا في ظلم واقع علية فقام معتصم تقوم انت جاي تقولة انت بتهدد عجلة الانتاج
 لكن المظاهرات الفئوية و الاعتصامات هي الثورة الحقيقية (مش بس نزول الميدان) لانها بتشيل الفساد في كل موسسة فاسدة في بلد .
الثورة هي ان اي حد يشوف فساد في اي حتة يحاول يغيرة و قبل كل دة يغير نفسة بانة ميدفعش رشوة والا يرمي زبالة علي الارض و انة يساعد المحتاج و يتقن شغلة كمان .

ما وراء قرار البرادعي !

طبعنا كلنا صعقنا بسبب انسحاب البرادعي عن ترشح الرئاسة 
لكن خلينا نفكر بموضوعية شوية 
فاكرين لما البرادعي رفض الترشح في 2010 علشان كان عرف ان كدة كدة هتتزور لمبارك او ابنة و كان كل الهيعملة انة يدي شرعية للانتخابات و يشارك في مسرحية كبيرة
طبعا ساعتها كلنا انتقدنا البرادعي بس دلوقتي فهمنا انة كان صح
طب هو دلوقتي انسحب لية؟
كارترقال : المجلس لن يسلم السلطة "كاملة" للمدنيين  و بعدها راح زار البرادعي و شفيق
فمن اكيد ان كارتر وصل رسالة للبرادعي ان في مسرحية هتتعمل في الانتخابات او دستور فمن منكن ان يكون في صفقة بين مجلس و عمرو موسي او شفيق للخروج الامن او دستور يصاغ من مجلس او خطط لاجهاض الثورة .
 فبردوا هيبقي دورة كومبارس في  مسرحية ذي المفروض كان يبقي فيها في انتخابات 2011 لكنة رفض .
فالبرادعي وضع الثورة اولا و رفض انة يلعب بالناس وتمسك بالمباديء و قرر التخلي عن رئاسة .
دا موقف حقيقي ثورة و يدل علي مدة وطنيتة
يبقي مينفعش نقول هنرشح حمدين والا ابو فتوح والا ابو اسماعيل دلوقتي؟ المفروض نقول اذاي هنرجع الثورة لمسارها الصحيح .


بعض التويتات تعليقا علي قرار

 البرادعى:

 هناك صفقة فى وضع الدستور ولا أتوقع أن يأتى ملبيا لطموحات المواطنين

جمال عيد الناشط الحقوقي

باختصار البرادعي لا يقبل بانصاف الحلول....

انصاف الحلول تنفع مع انصاف الرجال فقط

احمد ماهر  موسس حركة 6 ابريل

اسباب انسحابه واضحه فى البيان، اننا بينضحك علينا وان كل حاجه متظبطه من دلوقتى وان الثوره لم تنتهى بعد

خالد البري  كاتب

انسحب البرادعي ليقول إن المجلس العسكري هو مبارك، وإن موقفي من الترشح في ظله يبقى كموقفي من الترشح في ظل مبارك.

ابو فارس عضو ائتلاف شباب الثورة

مش احنا مقتنعين ان النظام ماسقطش؟ نزعل ليه من البرادعي لما يقول ان النظام لم يسقط ويرفض الاستمرار في عملية تجميلية؟"

مش هتكلم انا

 دي اغنية لية يا دنيا بتاعت منير و خالد عجاج للي مش عرف! -.-
 ليه يا دنيا الواحد بيقرب من ناس بيعاه
 ليه يا دنيا الواحد يتغرب عن ناس شرياه
 ليه ديما نظلم ليه دايما نألم
 ليه نقسى ونجرح ونعذب كل الى ادالنا هواه
 لية الى بايعنا والى يضيعنا 

   لية ديما نظلم لية ديما نألم  
   لية نأسى ونجرح ونعزب كل الى ادلنا هواة 
   لية الى بايعنا والى يضيعنا 
   والى بيخدعنا وبيخنا بنضحى برحنا فداة 
  اول ما بنكبر بنهرب من ماضينا 
  اول ما بنقدر بندوس اقرب ما لينا 
  بعد دة كلة نعيب ع الدنيا واحنا العيب ملينا 
***
 ولا حب هممنا
  ولا فرح لممنا بندور ع الى بيتعبنا  
  ويألمنا  و نجرى  وراة
  مشاعرنا قوية مليانة اسية 
 دور على واحد فى المية يوفيلك من جواة
  اول ما بتعلا كتير بيكون حبيبك 
 اول ما بتحلى كتير بيدارو عيبك
 و اول ما الايام تغدربك كل الناس تسيبك 
 والى بيخدعنا وبيخونا بنضحى بروحنا فداه
 اول ما بنكبر بنهرب من ماضينا
 اول ما بنقدر بندوس اقرب ما لينا
 بعد ده كله نعيب ع الدنيا واحنا العيب مالينا

يعني اية ليبرالية يا برادعي !

الليبرالية ببساطة هي حرية الراي و فكر و العقيدة وفقا للقوانين و الدستور
انا عندي راي في المصطلح, لما تقول مثلا انك ليبرالي بتبقي بتحط نفسك في خانة و تزنق فيها نفسك
يعني لو قولت انك ليبرالي هتلاقي واحد يقولك الليبرالية في اوروبا تبيح الشذوذ الجنسي لكن انا عرف انك كليبرالي رفضها
فمن الاسهل انك تقول رايك بدون مصطلحات صعبة من الصعب ان رجل الشارع العادي يفهمها
هتخسر اية لما تقول ان افكاري كذا و كذا و كذا بدل ما تقول مصطلح سمعتة سيئة للناس و بالعكس هيفهموك اسهل