مرسي و الحجاب !

اتمني ان يكون ذلك صحيحا و يزيل هذا الكلام بعض الخوف من الناس !

" انا متحرش اذا انا موجود"

الميعاد : كل يوم

المكان : كل مصر
الفاعل : كل مصري

الضحية :كل مصرية

الفعل : التحرش

التحرش دا بيحصل كل يوم و كل ساعة و كل لحظة البنت بتمشي في الشارع
و هي عندها احساس انها في موقف ضعف لان الشارع كلة بينتفرج عليها  و كل واحد بيفكر اذاي هيحسس عليها

انت متخيل موقفها اية ؟انت متخيل احساسهل عمل اية ؟

انت متخيل انها منكن ترتكب جناية بسبب افعال المتحرش؟

التحرش مش شرط يبقي انة يلمسها والا حتي يعاكسها  ؟ لا
التحرش هو جوا كل واحد فينا  لما يفكر  في لحظة  ان البنت اقل منك لمجرد في الاخر " ان هي  بنت يعني "

هو انا لو قولت ان اكبر مشكلة للمصري هي مشكلة الكبت الجنسي  حد هيقول عليا مجنون ؟

لا حقيقي الشعب المصري يستنذف الكثير من طاقتة و تفكيرة في المواضيع الجنسية 

يعني مثلا 

كل ما انزل قهوة لازم بيبقوا مشغلين قناة التت والا قناة البلد و طبعا كل واحد لازم يبين رجولتة و يقول تعليق علي رقاصة

و حتي بطولة اوروبا مبقناش نتفرج علي كرة , بنتفرج علي بنات

كل قضايا مجلس الشعب  مركزة علي تخفيض سن زواج و معاشرة الموتي و ختان البنات

لو واحدة مشيت في شارع ببنطلون ضيق او حتي واسع الشارع كلة بيمشي وراها

 كلة بقي يتفرج علي المسلسلات التركي علشان يطلع الكبت الجواة 

  

كل  المواضيع البنتناقش فيها هي تتمثل في مشهد "ليلة الدخلة"

احنا لازم نبعد عن الغطاء الاجتماعي الي احنا  عايشين فية من اننا بنواظب علي الفرائض

 الدينية و سماع القنوات الدينية (مسلمين و مسيحيين ) و تنصيب انفسنا وكلاء عن الدين

  و  لازم نعترف بالحقيقة اننا مبنهتمش  بجوهر الدين بس احنا بنخدع نفسنا بس بمصطلحات ذي احنا شعب متدين 

جوهر الدين اننا نؤمن بالمساواة بين المراة و الرجل

جوهر الدين اننا منعاكش بنت علشان هي لبسة ضيق في نظرنا

جوهر الدين اننا لو شفنا متحرش نمنعة مش نقول و احنا مالنا

يوم الجمعة الي فات كان في مسيرة نسائية في ميدان التحرير  و قاموا بالتحرش بيها مجموعة من الشباب 

  علي فكرة دي مش الحادثة الاولي والا الاخيرة من حالات التحرش   الجماعية او الفردية البتتعرض لها البنات في الشوارع

البنت اصبحت سلعة في يد كلة من يتحرش بها  سواء من نظرة او لمسة 

لو ملحقناش كارقة التحرش الجنسي قبل الانفجار هيبقي الضحية هو المجمتع المصري كلة   مش البنت المصرية بس

الانفجار قادم

PS

رينا يتوب عليا من فرجة قناة التت :)

طرائف عن السادات !

هل تعلم ان :

-جد انور السادات كان عبد في وسط افريقيا  و تحرر من عبودية بعد ما الغي نظام عبودية في مصر
-كان والد انور السادات ينجب في السودان و حين تظهر اول علامة الحمل علي والدة السادات كان يرسلها الي مصر بسبب مشاكل الولادة في سودان
-كان الشاب انور السادات يريد دخول التمثيل و ارسل جواب لراقصة  عزيزة امير  يقول انة "قوامة نحيل و قوامة ممشوق و تقاطيعة متناسقة "
-كان انور يحلق شعرة كاملا علي طريقة الالماني و قام بشراء اداة يستخدمونها الضباط الالمان تدعي "مونوكل " لايمانة ان الظابط الالماني هو نموذج المثالي العسكرية
-كان السادات يعمل مع مخابرات الالمانية في ظل الحرب العالمية الثانية و انكشفت علاقتة بالجاسوس الالماني ابلر عندما اعطي ابلر فتاة ليل يهودية اجرة اقل, قامت بافشاء ريبتها عن ابلر  لدي المخابرات البريطانية
-طرد السادات من جيش بعد اتهامة بالاتصال بجواسيس الاعداء  (ابلر)
-السادات كان يعمل في النظام الحديدي الذي اسسة الملك للبطش من معارضية و اشترك السادات في عدة محاولات   قتل فاشلة لمصطفي النحاس و سجن بعد اتهامة في مقتل  امين عثمان
-في السجن اتفق السادات مع بقية المتهمين في قضية قتل امين عثمان علي ان كل من يري امراة جميلة في شباك سجن النساء ان يخطر الباقين لمشاهدتها اثناء الطابور و الغزل ممنوع و يكتفي المشاهدة
-كان السادات وسيط بين حسن البنا و القصر الملكي لعمل لقاء بين البنا و الملك فاروق لكن الفكرة لم تلق استحسان من الاخير.
-قبل الثورة بعامين ,قام  السادات بتقبيل يد الملك فاروق بعد خروجة من مسجد الحسين و طلب منة الصفح عن اي خطا فعلة و بعد ذلك عاد السادات للجيش بعد طردة منة من بعد ضقضية الجاسوسية .
-السادات لم يكن لة دور موثر في ثورة  و كل ما قام بة هو اذاعة بيان الثورة بسبب وصولة المتاخر لمقر القيادة و تاخرة نتج لمشاهدتة افلام في سينما  مع زوجتة جيهان
-انور السادات غير اسمة عائلتة من "ساداتي " الي "سادات " بعد ثورة .
-لم ياخد اي منصي كبير السادات بعد الثورة مباشرة الا انة اشرف علي جريدة الجمهورية التي في ظل ادارتة كانت تكتب بها مقالات باسمة دون ان يقراها حتي
-كل رجال الثورة خرجوا من سلطة بعد نكسة 1967 , فلم يجد عبد ناصر اي نائب يعينة  من ثورة الا السادات
-توفيت والدة السادات و هي تقدم لة صينية القهوة و قالت لة بصوت مبحوح "انور , خد مني هذة الصينية " ثم توفت بعدها مباشرة

من كتاب خريف الغضب 

محمد حسنين هيكل

انتخب مين ؟

طبعا معظمنا يعتبر خلاص حسم هيرشح مين او لو لسة محددش فهو محتار بين اثنين او ثلاثة مرشحين بالاكثر

اولا لازم نبقي عارفين ان الانتخابات هي مش نهاية المطاف والا هي نهاية الثورة 

و بردوا ان الرئيس القادم مش في يدة العصا السحرية و ان كدة كدة هو مقيد بالمجلس العسكري و ان اي رئيس قادم ميقدرش يعمل اي اصلاحات غير سطحية لان الجيش مسيطر علي 40 % من الاقتصاد (بميزانية غير مراقبة )و كل المحافظين و كبار رجال الدولة هم  ظباط جيش قدامي  و الفلول لسة متغلغلين في كل الموسسات و الجامعات و المصانع و الشركات

يعتبر مش سهل يحصل اي تغيير جذري في اي من سياسات الخارجية لانة مقيد بكامب ديفيد و امريكا و اسرائل و وطن عربي مفكك

طب ما تقاطع طالما انت شابف ان الانتخابات  مش هتعمل اصلاح جذري ؟

المقاطعة دي متقدرش تعملها غير و انت الشارع معاك و بيطالب بالمقاطعة معاك لكن الوضع مختلف تماما لان الناس كلها مستنية الرئيس الجديد بفارغ الصبر . لو ركزنا هنلاقي  ناس كتير قاطعت انتخابات مجلس الشعب و بردوا  مجلس الشعب اتعمل بالمقاطعة

 لكن الرئيس الجديد  يقدر يعمل اصلاحات بردوا بانة  يحاول يشيل رئوس الفساد و يبدا قوانين للعدالة الاجتماعية ذي حد اقصي و ادني للاجور او ضرائب تصاعدية و يحاول يعيد كرامة المصري من تاني 

نزولي للانتخابات و حرصي عليها هو اعلان رفضي لفوز اي مرشح فلول يساعد في  تمكين سيطرة الفلول جوا المجتمع تاني  و كدة هيبقي مقدرش انتظر اي محاكمة لرموز فساد نظام مبارك و ضياع حقوق الشهداء

دا لا يمنع اني ارفض اي ديمقراطية وراها ساتر ديني او مرشح ولاءة لجماعتة و مرشد و يستخدم شعارات انتخابية ذي "انتخبوني لعبادة للة " !

انا بردوا برفض مرشح عاش معظم حياتة علي مبدا السمع و الطاعة و مبايعة المرشد  و يوم ما الجماعة فصلتة فهي فصلتة لترشحة في الرئاسة و مش بسبب رفضة "مبدا السمع و طاعة نفسة "و نرجع نندهش بافراد حملتة الي بيقولوا انة انفصل عنهم فكريا  !

دا لا يمنع انة يوجد مرشحين ثوريين لكن فرصتهم حقيقي ضعيفة بسبب ان معندهمش تمويل كافي و  حملاتهم الدعائية ضعيفة و كنت اتمني توحدهم و عمل فريق رئاسي لعدم تفتيت الاصوات 

كدة لن يتبقي الا مرشح واحد 

مرشح عاش منذ صغرة في معارضة الفساد و ظلم

سجن 17 مرة 

لا احد يزايد علي نضالة

لا يستخدم الدين وسيلة للدعاية 

برنامجة متوافق مع نضالة و تاريخة

صوتي لحمدين صباحي

المجد للثورة

المجد للشهداء

يسقط يسقط حكم عسكر

ضحكة المساجين

الجزء الاول

الجزء الثاني 

عربية الحارة "الجزء الاول"

الحارة كلها عندنا ( حارة اجيبتوس )كانت مشاركة في عربية نقل من زمان و كانت شغالة معاهم كويس و مربحة بس ابتديت تتلف منهم فقرروا يودوها للسمكري و قعدت العربية عند السمكري ستين سنة و فشلت كل المحاولات ان السمكري يصلح العربية او حتي ياخدوها و هي بايظة 

في وسط الستين السنة , الشارع كلة يعتبر فقد الامل في ان العربية منكن تتحرك سنتي متر واحد من عند السمكري لانة حطط  عليها حراسة 24 ساعة و متبت فيها بايدة وسنانة كانها بتاعتة ادرجة انة كان عايز يديها لعيالة لما يموت علي اساس انها عربية 

"الحاجة" 

في يوم كدة قرر شوية شباب من المنطقة انهم يكسروا حاجز الياس المزروع من اهاليهم عن انة استحالة العربية ترجع من السمكري الظالم و قاموا اتوحدوا كلهم بيما فيهم عمار و حسان( الي الشارع كلة كان بيخاف يتعامل معاهم ) و قرروا انهم مش هيروحوا بيوتهم من غير ما حق اهلهم يرجع

.بعد احتكاكات كبيرة مع السمكري و تباعين بتوعة , قدروا ياخدوا العربية و دي كانت مفاجاة للحارة كلها بما فيها جزء كبير من شباب .في نشوة الفرحة , ملقوش اي حد يصلح العربية في المنطقة غير "حمدي السمكري " و قالوا اكيد محدش هيعرف يضحك علينا تاني , وعدهم حمدي بانة يسلمهم العربية بعد 3 شهور و هي سليمة

.كل واحد من شباب رجع بيتة و هو في منتهي الفخر لانة حاسس انة كسر المستحيل و انة عايش في اعظم حارة لكن شعور الفخر دا قلب عند بعضم بالغرور 

بس " تاتي الرياح بما لا تشتهي العربية " , اتفق الواد عمار و حسان مع حمدي السمكري علي انة يشغلوا عندهم بس في مقابل انهم يقنعوا شباب القرية ان العربية هتتاخر شوية عن الميعاد المحدد بسبب ان في ناس من الحارة المجاورة ليهم حطين عنيهم علي العربية و عايزين يسرقوها او يحرقوها

.حسان و عمار ابتدوا يتهموا وائل و حسام انهم علي علاقة بشباب الحارة المجاورة و انهم اتفقوا معاهم علي سرقة العربية , دافع وائل و حسام عن نفسهم انهم ميعرفوش اي حاجة عن كلام دا.

انقسمت الحارة و ابتديت الناس في الحارة تشتم بعض و وصل الوضع الي حد السب و التخوين و بدا الصراع بينهم علي العربية الي لسة مع حمدي السمكري الواقف يتفرج عليهم و هو في منتهي السعادة .

يسقط يسقط السمكري 

يسقط عمار و حسان 

انتظروا الجزء الثاني

"البرنامج"

كل ما اركب مع سواق تاكسي و اقولة هترشح مين يقوم ردد عليا اجابة ثابتة "انا هقرا البرامج يا بية و اشوف هيقدملي اية و هنتخبة "

حلو اوي الكلام دا

بس انا عايز بس اقول ان احنا مش بنحدد المرشحين علي اساس البرامج بس , لازم نبص علي تاريخ المرشح بردوا 

يعني لو جمال مبارك  مثلا عمل برنامج انتخابي قوي, هترشحة ؟!
طب لو مثلا عميد كلية اقتصاد عمل برنامج انتخابي قوي بس ملوش اي تاريخ سياسة , هترشحة ؟

 البرامج دي مش بيصنعها المرشحين نفسهم لكن هم بس بيشرفوا عليها لان مفيش مرشح هيفهم في سياحة و اقتصاد و زراعة و صناعة و  سن قوانين و علاقات خارجية و ميزانية , الخ الخ الخ لكن هو بيستعين بخبراء و   و بيناقشوا في البرامج و يشوفوا المشاكل و يقدموا حلول

اهم حاجة في البرامج انة يبقي البرنامج بتاع المرشح قريب من تاريخة و شخصيتة
يعني مينفعش رجل عمرنا ما سمعناة بيطالب بحقوق العمال والا فلاحين وبعدين  يطلعلنا ببرنامج يساري و نصدقة!

والا واحد كان بيطبع مع اسرائيل و يقول في برنامجة انة مثلا هيلغي كامب ديفيد و نصدقة !

في النهاية ابحث عن مرشح لة تاريخ مشرف و برنامج انتخابي متوافق مع افكارة و تاريخة و لا تنتخب شعارات او وعود انتخابية بدون ادلة علمية او برامج تمثل فقط حبر علي ورق .
تذكر ان برنامج حسني مبارك في 2005 كان   يسعي إلي توفير أربعة ونصف مليون فرصة عمل للشباب خلال السنوات الست ,‏ بواقع‏700‏ ألف فرصة كل سنة‏

البرنامج الانتخابي للرئيس محمد حسني مبارك

احد مرشحي الرئاسة: "إذا تشابهت البرامج فابحثوا فى تاريخ كل مرشح ومواقفه لتجدوا المرشح الذى يشبه برنامجه"

من اصلاحي لثوري !

الميعاد :29 يناير 2011

المكان : فوق سطوح بيتنا 

الحدث : كنا في بداية اللجان الشعبية و كنا قاعدين في سطح و معانا مولوتوف و لقينا بنت الجيران طلعت و قالت ان احمد شفيق  هيبقي رئيس وزراء و عمر سليمان هيبقي نائب الرئيس و ساعتها قولت ايوة صح دول ناس محترمة و كلام دة .

لكن لقينا خبر في جزيرة بيقول  ان التحرير رفض هذة الاختيارات و رفض عمر سليمان
قول بعد كم يوم كدة  ايام كدة اقتنعت ان مبارك لازم يمشي و حتي خطاب مبارك مهزنيش ذي ناس كتير .

بعد ثورة بفترة كدة فكرت في موقفي حين تعيين عمر سليمان و بين موقف ميدان التحرير و اكتشفت اني اتحولت من اصلاحي لثوري و انا معرفش , اة بامانة :)

و من ساعتها و انا بقيت ثوري حبتين بس متخافش انا مش ناشط سياسي و جو دا :)

يكفيه ما فيه من عقل بيحيره !

جاتلي ساعة  هدية من ابويا

المهم انا سالتة دي بكم و نوعها اية و كدة ؟

قالي انها ساعة غالية اوي و ماركة سويسري جامدة وفعلا  لبستها و كنت معجب بها جدا 

بعدها الساعة باظت فنزلت اصلحها في محل صغير جنبنا  فبسال الراجل تعرفوا تصلحوا ساعة السويسري دي و انا متنك علية لانها ساعة فخمة و مش هيعرف يصلحها

و اتصدمت لما راجل قالي انة بيبيع زيها و انها مضروبة  فانا طبعا مصدقتش 

لما روحت سالت ابويا اذا كانت فعلا مضروبة ؟ قالي انة كان بيهزر معايا و هي فعلا ساعة مضروبة

و من ساعتها انا محتقر الساعة دي جدا و هملها .

الفكرة كلها ان انا لما سمعت انها ساعة سويسري و غالية  في الاول, هيئت نفسي انها ساعة كويسة و فخمة و كنت معجب بها جدا و مهتم بها 

 لكن الموضوع كلة نفسي مش اكتر  لان نفس الساعة دي لما عرفت انها مضروبة بقيت محتقرها جدا .

لا تجبر الانسان ولا تخيره 

يكفيه ما فيه من عقل بيحيره 

اللي النهاردة هيطلبه ويشتهيه 

هوه اللي بكرة هيشتهي يغيره  

صلاح جاهين

النور مكانه في القلوب

 

النور مكانه في القلوب 
احضن خيوط شمس الغروب 
يا تكون قد الحياة
يا تعيش وحيد وسط الدروب

اليأس ضعف وخوف جبان
لكن الأمل يفتح بيبان
يا تكون قد الحياة
يا تعيش وحيد وسط الدروب 

المس خضار الشجر
حس بضياء القمر
انقش قلوب على الحجر
علي شيء ما تندمشي
اه ااااااااااااااه
يمّك قوام عديه
امشي الطريق امشيه
العمر ايه يرويه غير قلب مايخافشي 
ااااااااااااااااااااه 
النور مكانه في القلوب
احضن خيوط شمس الغروب
يا تكون قد الحياة
يا تعيش وحيد وسط الدروب
فيه ناس كتير ترضي المصير.. 
وناس تشوف بضمير ضرير..
يا تكون قدالحياة 
يا تعيش وحيد وسط الدروب
حلي مرار الأيام
لسه الحياة قدام
قوم لون الأحلام
واوعى ماتضحكشى
اه اه 
جسدك فى قلبه الروح..
تداوي كل جروح..
بالسر اوعى تبوح..
وإياك متحلمشى..

زويل يكرم بجائزة ولفز الاسرائيلية

دي صورة زويل و هو يكرم من ولفز (غير معلوم المكان بظبط بس تقريبا اسرائيل)

ما اصل هذة الجائزة ؟

احمد زويل حصل علي هذة الجائزة

في 1993

سواء كنت مع تطبيع او لا انا  بس انا بنشر حقيقة 
و مش معني انة اخد جائزة من اسرائيل انة عميل او اقل وطنية من اي حد 
و للاطلاع علي مصدر
http://en.wikipedia.org/wiki/Wolf_Prize
http://en.wikipedia.org/wiki/Wolf_Prize_in_Chemistry

حتي لا ننسي

هذة اليفط و المنشورات الدعائية و الاستقطاب الديني هو سبب في ما جري لنا الان من تخبط و عدم وضوح لروية 

شاهد الفيديو

تجار الدين من اجل مصالح شخصية

لماذا سارشح حمدين صباحي؟

 دا في 2010 و هو بيرفض التوريث

و دا في يوم 25 يناير 

دا تاريخ حمدين كامل و تاريخة دة مفيش حد زية او يماثلة (فيديو مهم )

دا موقفة من سرقة الاراضي و استجواب يوسف والي

حديثة ضد حكومة و دفاعة عن الطبقات المتوسطة و المحدودة

صباحي ضد سياسة النقد الدولة و تدخل الامريكي و تصريحاتة ضد الفقر 

احب اقول ان مفيش اي حد منكن يزايد علي حمدين صباحي باي طريقة و تقريبا الناس كلها مجتمعة علي وطنيتة و نضالة 

لكن بصراحة مش كل الناس هترشحة   , و هو شعبيتة في ازدياد

اكتر حاجة بتشدني في صباحي انة عمرة ما اتغير و دايما مع ناس في شارع  

و انة حاسس اوي بالفقراء و الفلاحين من زمان و دا خلاة يتسجن 17 مرة منهم مرة في 1997 بسبب انتفاضة الفلاحين ضد قانون المالك والمستأجر ا


صباحي طول عمرة ضد الحزب وطني و سياستة الاقتصادية البتهمش محدودي الدخل


   و زواج السلطة براس المال 

انا اومن ان العاش 40 سنة من حياتة في نضال بردوا هيستمر نضال  حتي لو رئيس .
زور الموقع و اقراوا البرنامج و انضم للحملة

hamdeensabahy.com

لماذا لن ارشح ابو الفتوح؟

 في الاول بسبب وصفة عمر سليمان بالرجل الوطني 

و بسبب انكارة لتصريحة الاسبق بان فلسطين يجب ان تعترف باسرائيل

و بسبب دفاعة عن ميليشيات الاخوان و وصفهم "بسكيتش" رغم انهم يملكون اسلحة و مقنعين

يا ريت تفتحوا خبر ابو فتوح و هو بيصرح بانة بيصوت بنعم (موجود اسفل )

 د. أبو الفتوح: سأصوِّت بـ"نعم" في استفتاء الغد

في النهاية ابو الفتوح تربي و ترعرع في الاخوان لمدة 40 عام و عاش  علي السمع و طاعة ومبايعة و  تقديس شخص المرشد

و يوم ما انفصل عن اخوان فهو انفصل بسبب سعية للكرسي و سلطة مش بسبب اختلاف علي مبدا "السمع و الطاعة نفسة"

و انا مندهش ان في شباب كثير مثقفة من ليبرالين و يسارين  في حملة ابو فتوح 

يا ريت يراجعوا نفسهم تاني و يفكروا تاني 

و دا رد ابو الفتوح لما سالوة علي انة من اخوان والا لا ؟

و  اجابتة انة انفصل عنهم تنظيميا مش فكريا (لان  طبعا مفيش حد افكارة بتتغير بين يوم و ليلة)

هو نفسة بيقوا ان استقالة ادارية 

حتي الراجل مبينكرش  ان الاخوان ماضية م حاضرة و مستقبلة و محدش يدافع عنة 

ابو الفتوح يصرح بانة سيستعين بطنطاوي لانة رجل شريف

(دقيقة 21:04)

كان امير الجماعات الاسلامية كما صرح الزيات

 كيف اويد مرشح يؤيدة جماعات تكفيرية !

شمس الحرية !

غنـَي آلحٌـريـَـه دىَ آجمُـَل غنـِوة فَي آلوجـُـود..

شمُسَ آلحـُريـَه آتولٌدت ولآ يمـَكُن تمـَوت فآرسَ عقليتة مقَـآومَه وحُيآتهَ آلصَموْد ..

غَني وعَدي آلمسَتحيل كَل آمآلهَ آلحَريه وسَط آلضلمهَ كَآن دليـُل صحـَي آلشمُـسَ آلمصُريه .. ولَع فلآم يمَحي آلَظلآم ينشَر حريـَه يسُقط آلنظآَم

للكَوره حيآتي لكَن لبلآديَ آموْت آفديهآ بعـمري رآح زمـن آلسكَوت..

دي آلثوْره آتوْلدتَ فكَرهَ ولآ يمكن تموت ..

فآرسَ عآيش ف آلنضَآل كَل سلآحه آلعقآـيه..

ثآبتَ حآفر ف آلجبآل خطُوه ل آرض آلحٌـرية

ثوْره و نضآل . آسآـوب حيآه جـِزء فَ عقليتي مفهَمهوش آلطغٌـآه

قآلوآ شُرطهَ فَ خُدمهَ شعـب كنآ آحنآ آلعبيُد.. قتآـونآ وكتموآ فَ صوتنآ بآلنآر وآلحدَيد…

جهلة وآلقمَع حيآتهـَم وخيآلهَم مريَض .. آقتل وآسجـٌن آيه آلجديــ{.؟}ـَد ..

آبنَي سجوّنك عليهآ مهَد آلثورهَ فِ آلعقَول آنس بظآـمك تمحٌيهآ ..

تضَرب فَ غآز تضَرب رصآص جيلنآ من آلموَت مبقآش بيخٌـآف خلآص .

وفَ كلَ مكآن فَ بلآدى سآمع صَوت شهيَد بحيآتوآ بيفَدى وبيقَوى للَفجر آلجديد حَريهِ وجوَه بلدنآ مشَ هـنعيش عبيَد 

بَين آلثورة وآلكفآح دمَ شهيَد آلحرَيهِ

يكَتب لبلادوا آلنجآح يحِرق سور آلقمعيه يَنهَى آلفسآد مهمآ يكَون آلزمآن نكَتب بآيدنآ تآريخ آغآـى آلآوطآنَ

ديكتاتورية موناليزا!

رايك  اية في لوحة موناليزا؟
اكيد في ذهنك بتقول حلوة و تحفة و كلام دا
طب سالت نفسك في مرة حلوة  لية , رغم انها لوحة عادية جدا و في ذيها مئات اللوحات
هتقولي يعني هي مشهورة لية  ؟ ,  هقولك ايوة بس مش معني انها مشهورة انها  تبقي حلوة  لك .
الفكرة كلها انك اما بتلاقي حاجة عليها اجماع مبتفكرش فيها و بتعتبرها من مسلمات و حتي لو كنت فكرت قبل كدة انها لوحة عادية  منكن تبقي خوفت تقول انها عادية علشان نفسك تبقي دايما في منطقة الدافئة و مش عايز تقول اي حاجة غريبة
و هي دي العبودية الجديدة انك تبقي منحصر في اختيارات ناس تانية و ثقافات   و هوايات ناس تانية و المشكلة انت مقتنع انها اختياراتك انت مش هم ,بالرغم من انة رايهم مش رايك.
بص علي  لوحة موناليزا و هتلاقيها متستاهلش كل الضجة المعمولة علشانها  و منكن تلاقي نفسك كمان واحد من اصيبوا بعبودية الجديدة .
احنا اسفين يا موناليزا

عايز احط موتور الفولكس علي مرسيدس !

سوال هو فولكس ويحشة ؟ لا
طب المرسيدس ويحشة ؟ بردك لا
طب انا عندي موتور الفولكس و عايز اركبة علي مرسيدس , هيحصل اية يعني ؟
انا هقولك موتور الفولكس دا متركب مخصوص علي عربية فولكس و يناسب امكانيتها و بردوا موتور مرسيدس متركب مخصوص علي امكانيات المرسيدس
و لو عايز تحط موتور عربية علي عربية تانية العربية مش هتستحملة مش علشان هو وحيش والا عربية ويحشة  بس علشان هي مصممة بطريقة معينة لموتور معين
دا بردوا ينطبق بردوا علينا كبشر
كل واحد فينا عايز يبقي شبة التاني
مثلا الواحد فكر انة لما يقلد حد ابن ناس و بيتكلم انجليزي , انة كدة مثلا هيبقي ابن ناس
فتلاقي واحد غلبان و تعليمة علي قدة كدة  بس اضطر انة يتكلم انجليزي  (بسبب انة لاقي الناس بتعمل كدة )
فبيطلع الموضوع كانة شاذ كدة لانة مش لايق علية
و هتلاقي الناس بتتريق عليك و خلاص لانة بيبقي باين انك مش عرف تتكلم انجليزي .
لكن لما بيتكلم علي طبيعتة بالعربي بيبقي طبيعي و مقنع اكتر
الخلاصة ان اي حاجة بتتطلع من انسان بطبيعتة بتبقي احسن مية مرة لما تطلع مصطنعة !
خليك واثق في ثقافتك و في شخصيتك و متخليش اي حاجة توثر عليك بسهولة كدة
و احترامك لنفسك و ثقافتك بيجبر الناس علي احترامك
لكن المشي علي كل لون و موجة دا بيدل علي انك عايم كدة و معندكش مبدا والا هدف محدد

وعلى رأى هانى سلامة, اللى فيكوا مابيغلطش يروح يحاسب مريم !

طبعا كل واحد فينا بيقابل وشوش و ناس كتير و كل يوم و بنتصارع مع ناس

طب اية ؟
بص يا سيدي احنا دايما حاسين اننا مبنغلطش و ان القدامنا هم البيغلطوا و اننا احسن ناس و القدامنا اوحش ناس
الموضوع مش كدة بظبك لا انت احسن واحد والا هو اوحش واحد , الفكرة ببساطة ان كل واحد فينا فية عيوب كتير  و مميزات بردوا كتير و الصديق المخلص هو البيحاول يبعد عن صديقة في نقط الخلاف (و هو عارفها كويس ) و يحاول يقرب من المميزات الكويسة في صاحبة,

في الف سبب يخلينا نحب بعض و فية مية الف سبب يخلينا نكرة بعض بس احنا البنحدد الاختيار اننا النحب بعض والا لا !

عايزين نطبق شرع اللة

الكلمة دي بتتقال كتير اليومين دول بس ثبل ما تقواها خد مثال بسيط و طبقوا كدة
في ناس كتير بتقول عايزين نخلي البنات كلها تتحجب علشان الفتنية
 سوال : الحجاب فريضة والا لا ؟ (طبعا زمانك بتقول باعلي صوت اة )
طب فريضة بينك و بين ربنا ولا بينك و بين دولة !
بس كدة مش هكتب كتير و فكر انت و مستني ردك

ظاهرة التديّن البديل في النظام الاستبدادي .....علاء الاسواني

علاء الاسواني

هل نزل الإسلام فقط من أجل تغطية شعر المرأة؟ في العام الماضي هاجم الوزير فاروق حسني الحجاب، فوقف أعضاء الحزب الوطني في مجلس الشعب يدافعون بضراوة عن الحجاب والمحجبات، وبلغت الحماسة بأحدهم أن صاح في وجه فاروق حسني "أنت فتنة على الإسلام" ثم سقط مغشيا عليه من فرط الإنفعال...

ووجدتني أتساءل: إذا كان ممثلو الحزب الحاكم يحرصون على الإسلام إلى هذا الحد، ألم يفكروا قط في أن تزوير الإنتخابات واعتقال الأبرياء وتعذيبهم، وهتك أعراضهم ونهب أموال المصريين وإفقارهم وغيرها من الجرائم التي يرتكبها النظام الذي يمثلونه لا يمكن ان تتفق مع مبادىء الإسلام؟
من المعروف أن كثيرين من ضباط أمن الدولة ملتزمون دينيا، يؤدون الصلاة في أوقاتها ويصومون ويحجون إلى بيت الله، لكن ذلك لا يمنعهم أبدا من ممارسة عملهم اليومي في التعذيب والضرب وإستعمال الكهرباء في صعق المعتقلين.
في السياق نفسه تربطني علاقة مصاهرة بمسؤول بارز في الحكومة إشتهر بتزوير الإنتخابات والإعتداء على إستقلال القضاء وهو معروف في محيط الأسرة بتدينه العميق، حتى إنه يعطى أقاربه دروسا في الدين والفقه.
الأمثلة لا تحصى – كثير من المصريين يؤدون فرائض الدين بإخلاص لكنهم في حياتهم اليومية يتصرفون بطريقة أبعد ما تكون عن الدين. ففي شهر رمضان الماضي نشرت جريدة "المصري اليوم" تحقيقا ممتازا عن المستشفيات العامة ساعة الإفطار، لنكتشف أن معظم الأطباء يتركون المرضى بدون رعاية، حتى يتمكنوا من أداء صلاة التراويح! والذين يفعلون ذلك ليسوا جهلاء، بل هم أطباء متعلمون، لكنهم ببساطة يعتبرون أن صلاة التراويح أهم بكثير من رعاية المرضى، حتى ولو كانت حياتهم في خطر.
المسألة إذن ليست مجرد نفاق أو جهل، وإنما هي وعي فاسد بالدين، يؤدي إلى نوع من التدين الظاهري الذي يشكل بديلا من الدين الحقيقي، وهذا التدين البديل مريح وخفيف ولا يكلف جهدا ولا ثمنا لأنه يحصر الدين في الشعائر والمظاهر. فالدفاع عن مبادىء الإسلام الحقيقية، التي هي العدل والحرية والمساواة، مسألة محفوفة بالمخاطر في مصر ستؤدي بك حتما إلى السجن وقطع الرزق والتشريد. أما التدين البديل فلن يكلفك شيئا، وهو يمنحك إحساسا كاذبا بالطمأنينة والرضا عن النفس. الذين يتبنون التدين البديل يصومون ويصلون، ويحيون الناس بتحية الإسلام، ويلزمون زوجاتهم وبناتهم بالحجاب والنقاب، وربما يشتركون في تظاهرة ضد الرسوم الدانمركية أو منع الحجاب في فرنسا أو يكتبون إلى بريد "الأهرام" منددين بالكليبات العارية. وهم يعتقدون بعد ذلك أنهم قد أدوا واجبهم الديني كاملا غير منقوص. وهم لا يكترثون إطلاقا للشأن السياسي ولا يهتمون بموضوع التوريث (توريث السلطة)، بل أن بعضهم لا يرى بأسا في أن يورث البلد من الأب إلى الإبن وكأنه مزرعة دواجن.
المتدين البديل لا يعتقد أساسا أن له حقوقا سياسية كمواطن، وفكرة الديموقراطية لا تشغله، وأقصى ما يفعله بهذا الصدد أن يدعو الله "أن يولى علينا من يصلح"، ثم يحدثك بحماسة عن الخلفاء العظام مثل عمر بن الخطاب أو عمر بن عبد العزيز.
التدين البديل مرض محزن أصاب المصريين فأدى بهم إلى السلبية والغفلة. وجعلهم قابلين للإستبداد والقمع. ولم تكن هذه طبيعة المصريين، فمنذ 1919 وحتى عام 1952 خاضت الحركة الوطنية المصرية بقيادة حزب الوفد نضالا عنيفا وقدمت آلاف الشهداء من أجل طرد الإحتلال البريطاني وتحقيق الديموقراطية.
والحق أن إنتشار التدين البديل له أسباب عديدة: فحتى نهاية السبعينات كان المصريون، مسلمين وأقباطا، أقل إهتماما بمظاهر الدين وأكثر تمسكا بمبادئه الحقيقية، حتى جاء أنور السادات الذي إستعمل الدين لترجيح كفته السياسية ضد اليسار المعارض (...).
على أن النظام الإستبدادي في مصر قد حرص دائما على إنتشار التدين البديل، فالمتدين البديل هو المواطن النموذجي في عرف الحاكم المستبد، لأنه يعيش ويموت بجوار الحائط، دائما في حاله، لا يعترض أبدا على الحاكم، ويقصر إعتراضاته إما على ما يحدث خارج مصر، أو على اشياء لاتزعج النظام في شيء، كرقصة أدتها دينا أو فستان إرتدته يسرا في فيلم لها.
النظام المصري يرحب تماما بالتدين البديل لأنه يعفيه من المسؤولية.
ففي عرف الإسلام الحقيقي يكون الحاكم المسؤول الأول عن مشاكل المواطنين في بلاده، أما المتدين البديل فعندما يعاني من الفقر والبطالة لن يفكر أبدا في مسؤولية الحاكم عن ذلك بل سوف يرجع ذلك إلى أحد إحتمالين: إما أنه قد قصر في العبادة ولذلك فإن الله يعاقبه، وإما أن الله يختبره بهذا الشقاء فعليه أن يصبر ولا يعترض.
إن شهداء نظام مبارك فاقوا في عددهم شهداء كل الحروب التي خاضتها مصر. ضحايا القطارات المحترقة، والعبارات الغارقة، والعمارات المنهارة، ومرضى الفشل الكلوي والسرطان بفضل مبيدات يوسف والي وغيرهم – كل هؤلاء في نظر الإسلام الحقيقي ضحايا الفساد والإستبداد، والحاكم مسؤول مباشرة عن موتهم وتشريد أسرهم.
أما التدين البديل فيعتبر هذه المآسي جميعا من القضاء والقدر لا أكثر، ويعتقد أن هؤلاء الضحايا قد إنتهت أعمارهم، وبالتالي كانوا سيموتون في كل الأحوال، فلا معنى إذن لأن نلوم أحدا بإعتباره متسببا في موتهم.
إن الإسلام العظيم قد دفع بالمسلمين يوما لكي يحكموا العالم ويعلموا البشرية الحضارة والفن والعلم، أما التدين البديل فقد أدى بنا إلى كل هذا الهوان والشقاء الذي نعيش فيه.

                            المقالة دي انا شايف انها  تعبر عن حال مصر الحقيقي في فترة الاخيرة  و تستحق القراءة

قل موتوا بغيظكوا !

طبعا كلنا بنقرا الفترة الاخيرة تعليقات علي فيديوهات ذي 
يسقط البرادعي العلماني الكافر البنتة بتلبس بيكيني
كلب نجس منافق شاذ ملحد عميل جاهل رويبضة = علاء يعقوبيان
يا اديب ...كلمة سلفى بتزعلك ..طب سلفى سلفى سلفى
رد يفحم اعداء الاسلام 
ياعلماني ياعميل إحنا إختارنا ابو اسماعيل 


وكلام ذي كدة بيبقي مقرف جدا  وبحس لني في معركة بين اوس و خزرج
احنا لازم نفهم ان مثلا لو واحد ليبرالي فهو مش ضد الدين لكن فهمة يختلف عن واحد سلفي للدين ,يعني اية ؟
يعني الدين واحد بس تعاملنا معاة مختلف , ناخد  في حالة ذي حجاب : 
مش معني ان ليبرالي يسيب الحجاب للاختيار الشخصي للمراة  و يرفض فرضة بالقوة, انة  كدة ضد الحجاب 
ناخد مثال تاني مثلا
يختلف تعامل الاخوان و السلفيين في تعامل مع قضية ذي لحية (محامي الاخوان المسلمين احمد ابو بركة مش بلحية و في ناس اخوان كتير مش بلحية ) لكن عمرك ما هتلاقي سلفي مش بلحية 
يبقي لو بتفكر بنفس المنظور يبقي الاخوان كفرة !
 الفكرة في تفسير  ادين مش اننا ضد الدين نفسة .
لازم نفهم ان اختلافنا في تفسير حاجة ثابثة (الدين ) لا يعني اننا خونة و كفرة

ولاد ابو اسماعين !

ابتديت الاحظ في فترة الاخيرة ان اولاد ابو اسماعيل كتروا اوي في فترة الاخيرة
طبعا البوسترات مغرقة تك-تك و مكروياصات و حيطان القاهرة كلها لدرجة اني حطيت بوستر الشيخ حازم في اوضة نومي تماشيا مع موجة .ههههه
بنلاحظ حاجة غربية في ولاد ابو اسماعين دول انهم بيدافعوا عن الشيخ دفاع كامل و مستميت و لدرجة انة بيخلقوا منة نبي (دة حتي الانبياء بيغلطوا لكن الشيخ حازم لا )
و يبتدوا يدافعوا عن حاجات لا غبار منها انة غلط
ذي PEPSP الي قال انها Pay Every Peny For Saving Israel
والا  لما يدافعوا ان اوباما معندوش خبرة  سياسية و ان كارتر (او بيل كلينتون ) مكانش بردوا عندة خبرة سياسية والا كان في كونجرس رغم انة كان في كونجرس
و لما الشيخ حازم قال ان مصر في خزائنها  200 تريليون دولار (طبعا دة اي كلام لان الرقم دا ضعف دخل امريكا 20 مرة !!!)
  يبتدوا يقولوا حاجات هم مش مقتنعين بيها لمجرد انهم يطلعوا الشيخ حازم مش غلط
ثانيا , لما تسالة سوال في مواضيع حساسة ذي خمرة و بكيني و حجاب و سياحة يحسسوك انك ارتكبت جريمة و ان المذيعيين بيتربصوا بشيخ حازم و يسالوا اسئلة ذي دي , ما طبعا حق المذيعيين يسالوا ذي دي لان الشيخ حازم عايز يغير ثقافة مصر من ثقافة الاختيار الي التجبير و الارهاب و  احنا لازم نفهم تفكير الشيخ حازم  كويس علشان نعرف نقيمة ز
اخيرا رسالة الي كل اعضاء الحملات الانتخابية لكل المرشحين (و خصوصا ولاد ابو اسماعين ) : لو لقيت المرشح بتاعك غلطان في حاجة قول انة غلطان بكل شجاعة و دا يزيد من احترامي لك و لمرشحك لكن دفاعك في كل حاجة عن مرشحك بيثبت انك مش ناضح والا واعي
بصراحة في ناس  قليلة بردوا من ولاد ابو اسماعين ناس محترمة